ممد جو سلام ، خویی ؟ شی موکونی ؟ سره خور دیه سری نمزنی ؟ ایسه دیه ورمو پولدارشییه ، زیر پاتم سل نموکنی ؟ سیم ده پت نلی رفاقتمو خراو با و بوره ، دلمو ورت تنگ شیه .

یاته او زمونا ؟ م هنی یام نرفته ، هنی هر وقت مرم ورویرد ، وه یاد او زمونا دوری دمین شر مزنم و سری هم وه گلدشت و چوقا مزنم ، گرچه دیه او رنگ و بونه نره و ایسه دیه منو تونه کسی نمشناسه ، ولی خو ، ایما وره خوئمو یه زمونی شهرنه چول کرده ویم ، وا صغیر و کبیر رابطه داشتیم ، آخه ایما همش واهم بیمو ،تو هی مرفتی کلاس خط و منم مرفتم باشگاه وره آقا صدر ،ایواره که مشد مین بلوار ، گل کوچیکی مزئیم و وا ای لات لوتا سر و سری داشتیم . چنی از ای عرق سگیا دان خوردمو ،وا دایی نعمتت چه شراوایی زئیم ، نوارا ستارو  هایده چنی ومو حال مدا .

ایسه دیه همه چی عوض شیه ،حرف اولنه پیل مزنه ، هر کامینمو گرفتار شیئیم و وا زن و بچه و کار دیه نمتونیم وره خوئمو بایم ، یعنی نملن همدیر بجوریم و واهم بایم ، هر جا هسی خوش بای و اینه بون که م همیشه وه یادت هسم .